விண்வெளி ஆராய்ச்சி என்பது வெறும் ராக்கெட்டுகள் அல்லது கிரகங்களைப் பற்றியது மட்டுமல்ல...
பூமியில் மனித உயிர்களை காப்பாற்ற புதிய மருத்துவப் புரட்சிகள் விண்வெளியில் இப்போது உருவாக தொடங்கியுள்ளது.
எதிர்காலத்தில் மனித உறுப்புகளை விண்வெளியிலேயே 3D பிரிண்டிங் தொழில்நுட்பத்தின் மூலம் உருவாக்க முடியும் என்றால் நம்புவீர்களா?
அதற்கான முதல் மிகப்பெரிய வெற்றியை விஞ்ஞானிகள் தற்போது பெற்றுள்ளனர்!
எதிர்காலத்தில் உறுப்பு தானம் கிடைக்காமல் உயிரிழக்கும் ஆயிரக்கணக்கான மக்களின் உயிரைக் காப்பாற்ற இந்த தொழில்நுட்பம் உதவக்கூடும்.
அமெரிக்காவின் Auxilium Biotechnologies என்ற உயிரித்தொழில்நுட்ப நிறுவனம், சர்வதேச விண்வெளி நிலையமான ISS-ல் முதன்முறையாக மனித கல்லீரல் (Liver) மற்றும் சிறுநீரக (Kidney) திசுக்களை 3D Bioprinting தொழில்நுட்பத்தின் மூலம் வெற்றிகரமாக உருவாக்கியுள்ளது.
ஏன் விண்வெளியில் உருவாக்க வேண்டும்?
பூமியில் ஈர்ப்பு விசை இருப்பதால், செல்கள் கீழே இறங்கி சமமாக பரவுவதில்லை.
இதனால் உருவாகும் திசுக்களின் அமைப்பு முழுமையாக இயற்கையான மனித உறுப்புகளைப் போல இருக்காது.
ஆனால் விண்வெளியில் Microgravity, அதாவது மிகக் குறைந்த ஈர்ப்பு விசை சூழலில், செல்கள் அனைத்தும் மிகவும் சமமாக பரவி, இயற்கையான திசுக்களைப் போன்ற அமைப்பை உருவாக்க முடிகிறது.
இதுவே இந்த சாதனையின் மிகப்பெரிய ரகசியம்.
இந்த ஒரே விண்வெளி பயணத்தில் விஞ்ஞானிகள்:
கல்லீரல் திசு,
சிறுநீரக திசு,
மூட்டு குருத்தெலும்பு திசு
மேலும்,
28 நரம்பு பழுது சரிசெய்யும் Implant-களையும் வெற்றிகரமாக தயாரித்துள்ளனர்.
ஒரே விண்வெளி பயணத்தில் பல்வேறு உயிரியல் திசுக்களை உருவாக்கிய முதல் முயற்சியாக இது பதிவாகியுள்ளது.
விண்வெளியில் தயாரிக்கப்பட்ட இந்த திசுக்கள் பூமிக்கு கொண்டு வரப்பட்டுள்ளன.
இப்போது அவை ஆய்வகங்களில் விரிவாக பரிசோதிக்கப்பட்டு வருகின்றன.
No comments:
Post a Comment